Contra o patriarcado, feminismo organizado!

O sistema capitalista sustenta-se no sistema patriarcal estabelecido hai milhons de anos. Todo princípio de mudança do sistema começa pola destruiçom do patriarcado.

AMI/ Kaos en la Red

As mulheres somos as mais exploradas e destruidas por este sistema e qualquer intento de organizar-nos com umha visom feminista remata sendo absorvida polo “feminismo” institucional com as suas leis de paridade, as suas conversas sobre igualdade, com o seu discurso amável cara as mulheres, que nom é mais que um placebo ante a opressom machista que sofremos. Nós nom queremos ser empresárias, nom queremos estar exploradas na casa e na empresa, nom queremos ser os brinquedos sexuais, nom queremos ser dóceis, nom queremos ser coquetas… queremos mudar o conto.

Nom somos conformistas e cremos no valor das mulheres auto-organizadas, já que o unico caminho para libertar-nos da opressom machista é a luita feminista.

Da AMI pulamos pola organizaçom das mulheres em assembleias de base, nas que livremente decidamos, sem partidos políticos de fundo, sem homes dirigentes, sem machismo repressor que nos diga que é o que há que fazer. Assembleias nas que tomamos o mando da acçom directa, da resposta na rua… contra esse inimigo que procura oprimir-nos. Seguiremos organizadas, luitando dia após dia contra as nossas próprias contradicçons e contra o nosso verdadeiro inimigo: o machismo.

A Vitoria é nossa!

Organiza-te e luita.
http://www.ami-gz.org/